Leo tarehe 07/06/2024, Asasi ya Maendeleo ya Jamii (Community Development Association – CDA) kutoka Chuo Kikuu cha Sokoine cha Kilimo (SUA) imeshiriki katika kikao cha maandalizi ya maadhimisho ya Siku ya Mtoto wa Afrika, ambayo kwa mwaka huu yatafanyika kimkoa katika Manispaa ya Morogoro. CDA ilipokea mwaliko maalum kama moja ya wadau wa maendeleo ya jamii.
Katika kikao hicho, CDA iliahidi kushiriki vema katika maadhimisho hayo kwa kushirikiana na wadau wengine ndani ya Manispaa. Maadhimisho haya yanatarajiwa kufanyika tarehe 16 Juni 2024, yakilenga kuhamasisha na kuelimisha jamii kuhusu haki na ustawi wa mtoto wa Afrika.
CDA imeonesha dhamira yake ya dhati ya kuunga mkono juhudi hizi kwa kushirikiana na serikali na wadau wengine katika kuhakikisha maadhimisho haya yanafanikiwa na kuleta matokeo chanya kwa watoto na jamii kwa ujumla.