Waziri Mkuu Mstaafu wa Tanzania Mhe. Mizengo Pinda ametembelea banda la Chuo Kikuu cha Sokoine cha Kilimo (SUA) katika Maonesho ya Wakulima, Wafugaji na Wavuvi maarufu kama Nanenane Kanda ya Mashariki ambapo pamoja na mambo mengine Mhe. Pinda ameweza kupata maelezo mbalimbali kuhusu shughuli zinazofanywa na Chuo hicho.
Akiwa kwenye Banda la Idara ya shamba la Mafunzo Kitengo cha Ukuzaji wa Viumbe Maji Mhe. Pinda amepata maelezo ya namna ya kufuga samaki aina ya Sato na Kambale kutoka kwa Afisa Mafunzo wa idara hiyo Bi. Stella Genge ambapo amesema samaki hao ndio rahisi kufugika hapa nchini na kwamba tafiti bado zinaendelea kuhusu aina nyingine ya samaki wanaofaa kufugwa na kuwawezesha wafugaji kupata faida.
Maonesho hayo ya Wakulima, Wafugaji na Wavuvi Kanda ya Mashariki inayoundwa na Mikoa ya Dar es Salaam, Tanga, Pwani na wenyeji Morogoro kwa mwaka huu 2023 yamebeba kauli mbiu isemayo “Vijana na wanawake ni msingi imara wa mifumo endelevu ya chakula”.
Mawasiliano
0766646733
0743677370
