Habari, Kwa majina naitwa Jascar leons Punguti ni muhitimu wa Chuo Kikuu cha Kilimo cha Sokoine Morogoro nilimaliza kozi ya Bachelor of Science in Family and Consumer Studies mwaka 2018, Kwasasa ni muanzilishi lakini pia ni mkurugenzi mtendaji wa Taasisi ya Tesifa Tanzania.
Tesifa Tanzania tunafanya kazi katika Nyanja kuu tatu ambayo ni Ulinzi wa jamii inayo husisha utunzaji wa familia, chakula, afya na lishe, Ujasiriamali na kupinga ukatili, Nyanja ya pili ni Kilimo ambapo inahusika kuwasaidia wakulima wadogowadogo kwa kuwapa mbinu na kanuni bora za kilimo ambazo zitawasaidia katika kujipatia kipato, Nyanja ya tatu ni Mazingira, kuhakikisha Mazingira ni safi na salama katika jamii.
Kwa kushirikiana na wenzangu waliomaliza chuo cha kilimo cha Sokoine na vyuo vingine tumeweza kushirikiana kufungua Taasisi ya Tesifa Tanzania, Ambapo mambo mengi tulio jifunza chuoni hasa katika kozi hii ya FAMILY AND CONSUMER STUDIES yanafanyika ofiisini kwetu, ikiwemo USHONAJI, Degree hii imesaidia kujua changamopto nyingi ambazo familia zinakutana nazo hasa watoto wa kike zikiwemo kipato kidogo, mimba za utotoni, ndoa za utotoni, kutelekezwa na wenza wao, matumizi mabaya ya madawa, kunyanyasika na kufanyiwa ukatili hasa wa kingono, hivyo Taasisi hii imepelekea kusaidia wanawake wengi kwa kuwapatia mafunzo ya Ufundi stadi (USHONAJI NGUO) na kufanya shughuli hio kuwa chanzo kikubwa cha mapato kwao. Pia niliendelea na degree ya pili ya Project Management and Evaluation Hapohapo Sokoine University Lakini Bado Sijamaliza, Ambayo Inanisaidia Kuandika Miradi Na Kuisimamia Vyema. Ahsante.
